Městna

Campus w Zhorjelcu

Tu nastawa hłowny kwartěr DZA

Město Zhorjelc je na zakładźe połoženja k zornowcowemu masiwej, bliskosće k uniwersitnym městam Drježdźany, Wrócław a Praha a přez wjele slubjace nowo zasydlenjow we wobłuku inowacijow a wysokich technologijow wurjadne stejnišćo za DZA. Planujemy tu wosrjedź města natwarić wotewrjeny campus za slědźenja na najwyšim niwowje na arealu Kahlbaum. Přez zhromadne powołanja budźetej tež Techniska uniwersita a Uniwersita Wrócław skutkowanišći DZA.

My smy centrum w regionje Łužica

Štož Saksku k idealnemu stejnišću za DZA sčini

Sakska je kraj wysokich technologijow z dołhej tradiciju. Wuměnjenja tu su wurjadne: połoženje w srjedźiznje Europy, uniwersity a wysoke šule z přirodowědnymi, technologiskimi ćežišćemi, wjele móžnosćow, so wědomostnje dale wusměrić, tež přez mjezy kraja. Tež we wobłukach wuwiwanja technologijow a předźěłanja datow wobsteja wot TU Drježdźany hač k Silicon Saxony mnohe poćahi k partneram w regionje.

Předewšěm pak steji Łužica na jednym pokładźe – jónkrótnymi seismologiskimi wuměnjenjemi w zornowcu Łužicy, kotrež chcemy za naše slědźenje a wuwiwanje nowych nastrojow wužiwać. A nic na posledk smy tu zeznali čłowjekow, kotřiž su we swojim regionje kruće zakorjeni a kotřiž runočasnje wotewrjenosć a wćipnosć pokazuja. To wšitko čini Saksku k idealnemu stejnišću za DZA.

Dobre přičiny za Łužicu

městno w centrumje Europy
uniwersity a wysoke šule z přirodowědnym, technologiskim ćežišćom
mnohe wědomostne nawjazanske dypki, tež přezmjezne
partnerojo we wuwiću technologijow a w digitalizaciji
kruće w regionje zakorjenjeni wobydlerjo z wulkej wotewrjenosću a wćipnosću
pokład Łužicy: wusahowace seismografiske wuměnjenja w granitowej kamjeniznje

Low Seismic Lab

Labor w zornowcowej woršće Łužicy

Low Seismic Lab we łužiskim zornowcu je planowany w kónčinje mjez Wojerecami. Kamjencom a Budyšinom. Labor móhł być wuchadźišćo a zwisk za Einsteinowy teleskop a tworić jedyn z róžkow planowaneho třiróžkoweho obserwatorija za grawitaciske žołmy. Dokładne stejišćo w třiróžku mjez Wojerecami, Kamjencom a Budyšinom njeje hišće jasne. Rozsud k tomu ma so w běhu doby zazběha z pomocu dalšich točenjow we łužiskim zornowcu tworić

Astrofyzika

slědźenje na hranicy móžnošćow

Nowe obserwatorije přijmaja wšelakore "posoły" uniwersuma, na přikład signale swětła wšelakorych žołmowych dołhosćow. Njejsu hižo jeničce optiske teleskopy, kotrež wuslědźa kosmos. K "wočam" astronomije přizamknu so "wuši". Měrimy kosmiske promjenjenje, neutriny a nětko tež grawitaciske žołmy - pozwuk spektakularnych podawkow we hłubinach swětnišća. Za to je najčučiwša a najdokładniša měrjenska technika trěbna. - a idealna wokolina bjez mylenjow, kaž my ju w zornowcu Łužicy namakamy.

Chceš wjace wo DZA zhonić?

Wjace wo našich temach

Eine Gruppe von DZA-Mitarbeitenden steht vor dem DZA-Gebäude

Wjace wo našeje crew

Naša załoženska stawizna