„Bydlenje na probu meets DZA" w Zhorjelcu startuje w meji 2025

Woćinće durje za „Probe bydlenje meets DZA“ w Zhorjelcu. Tři Zhorjelske bydlenja steja wot meje sem za nowych sobudźěłacych runje nastawaceho DZA wotewrjene.

Za naš natwar je přićah fachowcow z tu- a wukraja njeparujomny. Přetož: wurjadne slědźenje trjeba impulsy wot wonka. Město Zhorjelc wjeseli so nimo toho přez nowych wobydlerjow.

Při bydlenju na probu maja hač do dwanaće nowych sobudźěłacych wot DZA a jich swójby składnosć dóstać. Chcemy zmóžnić, zo woni Zhorjelc a z tym nowu bydlensku wokolinu za najprjedy raz tři měsacy lěpje zeznaja. Wobdźělnicy budu tež dźěl wědomostneje přewodneje studije. Zaměr: Potrjeby a naroki lěpje zeznać a zrozumić. „Chcemy we wobłuku našeho pilotoweho projekta wot kolegow zhonić, što je trěbne, zo by so přićah fachowcow wolóšił. Přez to móžemy potenciale spóznać a je k dlěje skutkowacym měšćanskim a regionalnym wuwiću přinošować “, praji Sebastian Heer wot DZA. Wón nawjeduje kooperaciski projekt zhromadnje z Robertom Knippschildom wot Interdisziplinäres Zentrum für transformativen Stadtumbau (IZS). „Budźemy na dotalnych dopóznaćach bydlenje natwarić a sej nětko dokładnišo wobhladać, kotre předstawy wosebje wysoko kwalifikowani ludźo maja, kotřiž dyrbja Zhorjelc hišće zeznać“, Constanze Zöllter z IZS dodawa.

Zhromadne dalewuwiće „proboweho bydlenja“ je zapołožene do transformaciskeho slědźenja při DZA a jedne z njedawno zahajenych pilotowych projektow. Ideja proboweho bydlenja so wot IZS wot lěta 2015 dale wuwiwa a koordinuje.

Dalše informacije: probewohnen.dza-lausitz.de