Narodny wulkoslědźenski centrum za astrofyziku přirunajomny z druhimi zarjadnišćemi kaž Deutsches Krebsforschungszentrum abo Deutsches GeoForschungszentrum falowaše Němskej hač dotal. DZA chce tutej poziciji wotpowědować a we Łužicy wosrjedź Europy astronomiju z swětowym wuznamom wukonjeć.
Z Astrocentrumom Łužica (DZA) nastawa wulkoslědźenski centrum z mjezynarodnej wuprohowacej mocu, kotryž je tuchwilu w natwarjacej fazy. W aprylu 2023 zahaješe so třilětne załoženje kotrež ma 2026 zakónčene być. Potom budźe DZA samostatnje a jednanjakmane. Jako centrum za digitalizaciju, wuwiće technologijow a z astrofyzikaliskim wurjadnym slědźenjom budźe DZA inowaciski motor we Łužicy a tak regionej w třikrajowym róžku Němska-Pólska-Čěska při jeje změnje po wustupje brunicy pomhać.
Tury po rumnosćach DZA, praprask zrozumić, paslić, wuknyć - to postajowaše naš dźeń wotewrjenych duri. Něhdźe 1.000 zajimowanych dóstachu prěni raz dohlad do přechodneho stejnišća při Póstowym naměsće 1. Wopytowarjo běchu zahorjeni wo “Urknall unterwegs”, projekće iniciatiwy Netzwerk Teilchenwelt z Techniskeje uniwersity Drježdźany kaž tež wo eksponatach hightech-kompjuteroweje hardware w Starej pósće.
Štó su ludźo, kotřiž wuhotuja natwar Astrocentruma Łužica? Što jich wuznamjenja, što jich charakterizuje? Hač k zeznaću sy jenož hišće klik zdaleny.
Prof. dr. Harald Lesch, němski astrofyzikar a telewizijny moderator
»Slědźenje na Čornych dźěrach, Čerwjenych hobrach a Běłych palčikach fascinuje runje tak kaž ćmowa energija a ćmowa materija. Jedyn wulkoslědźenski centrum we Łužicy móže k tomu najlěpje přinošować.«
Prof. dr. Christian Stegmann, direktor za astrodźělčkowu fyziku, DESY
»My stworimy městno absolutneho měra: 'seismisku nulu'.«
