Transfer a dialog

Zhromadnje nowe perspektiwy tworić

My njeslědźimy w ćichej komorce, ale spěchujemy a pěstujemy wuměnu z ludźimi w regionje. My wuwiwamy centrum z mjezynarodnej wuprudźenskej mocu, kotryž je kruće we Łužicy zakorjenjeny a přinošuje k tworjenju identity. Zhromadnje z partnerami z kubłanja, hospodarstwa, ciwilneje towaršnosće a politiki pohonjamy strukturnu změnu.

Naša misija

DESY / Paul Glaser

Ze Sakskeje do uniwersuma

Strukturna změna přez towaršnostnu wuměnu

My chcemy nowe regionalne wobrazy we Łužicy tworić a regionalnu identitu jako wědomostnu, inowacisku a kulturnu regionu wuformować. Natwar DZA twori jónkróćne móžnosće za dialog mjez wědomosću, towaršnosću, wuměłstwom a kulturu – a to mjezynarodnje zawjazane a lokalnje zakótwjene. Z tym chcemy agěrować jako móst mjez globalnymi wužadanjemi a regionalnym jednanskim rumom.

Dawid Statnik, předsyda Domowiny, zwjazk łužiskich Serbow

»My jako Serbowki a Serbja smy z našej přikubłanej mnohorěčnosću za procesy transformacije runjewon predestinowani, tohodla zahori nas konzept astrocentruma. Wosebje je nas přeswědčiło, z kelko zemskim kontaktom ma so přimk za hwězdami do skutka stajić – to móže cyłu Łužicu pohonjeć.«

Nowe wuknjenske městna za regionu

My spěchujemy dorost

My zahorimy za přirodowědy a techniku a twarimy na kubłanje wot pěstowarnje a šule přez wukubłanje hač do wysokeje šule. Tak wutworimy naslědne perspektiwy za młodych ludźi w regionje a zwěsćimy potrjebu na fachowcach.

Při tym twarimy na stajnje rosćacu syć angažowanych a etablěrowanych kubłanskich partnerow. Zhromadnje wuwiwamy zahorjace kubłanske poskitki dokoławokoło jadrowych temow astrocentruma: zakładne slědźenje, technologiske wuwiće a digitalizacija.

Hwězdarnje a planetarije

My pisamy nowy kapitl

Dwě lěće po wuspěšnym starće Sputnika w lěće 1959 bu astronomija w NDR jako šulski předmjet za wšěch šulerkow a šulerjow na powšitkownokubłacych šulach zawjedźena. Hač do 1990 nasta tak něhdźe 150 šulskich hwězdarnjow a planetarijow w cyłym kraju, njeseše zahorjenje za astronomiju a swětnišćowe lětarstwo do kóždeje bydlenskeje stwy a ražeše ze Saksom Sigmund Jähn jako prěnim Němcom w swětnišću identitu čłowjekow sylnje.

Hwězdarnje a planetarije su identitu skrućace městna stawiznow a přichoda a zarjadnišća kubłanja, slědźenja, techniki, towaršnosće a kultury. My chcemy na stawizny astronomije a swětnišćoweho lětarstwa w Sakskej nawjazać a z ludźimi na městnje nowy kapitl pisać.

Sternwarten und Planetarien in der sächsischen Lausitz

Změnu měrjomnu činić

Kak móže zasydlenje DZA hospodarsku změnu we Łužicy spěchować? Što woznamjenja zasydlenje za kubłansku krajinu? Kak přeměnjatej so město a kraj a što to woznamjenja za regionalnu kulturu a identitu?

Wotrjad za transformaciske slědźenje DZA budźe zasydlenje centruma w regionje wědomostnje “wotnutřka” aktiwnje přewodźeć a tak transformatiwnu změnu na zakładźe wědomosće sobu wuhotować.

Strukturna změna přez splećenje

Wot małeho inženjerskeho běrowa hač do najwjetšeho chipoweho zhotowjerja w Dreždźanach

Wjace hač 80 procent předewzaćow industrijoweje syće DZA słuša do skupiny małych a srjedźnych předewzaćow (KMU). Tute předewzaća su zwólniwe, swoje kompetency do DZA přinošować. A wone chcedźa so wuraznje nowym wužadanjam astrofyziki stajeć.

Industrijowe partnery (PDF)

Syć za wuwiće technologijow a industriju

DZA je w minjenych měsacach tež na polu wuwića technologijow wulku syć z partnerami natwarił – wot slědźenskich srjedźišćow zwonka uniwersitow a małych inženjerskich běrowow hač k najwjetšim zhotowjerjam chipow w Drježdźanach. Přez 80 procentow předewzaćow we wobłuku industrijoweje syće DZA słuša k skupinje małych a srjedźnych předewzaćow (KMU). Tute předewzaća su zwólniwe, swoje kompetency do dźěła DZA zapřijeć. A wone chcedźa so wuraznje wužadanjam astrofyziki, kotrež jich aktualny know-how přesahuja, stajić.