Temy

Swětnišćo a změna - to je naša misija

Stejimy před wužadanjom, zakłady našeho žiwjenja zawěsćić, klimu škitać a runočasnje postup, dźěłowe městna a derjeměće zawěsćić.

Zrozumimy tute wužadanje jako šansu, pospěšimy digitalizaciju a staramy so wo dołhodobny a resursy lutowacy computing za digitalnu změnu towaršnosće.

Dźělimy naš know- how. Tak zawěsćimy našu kmanosć za přichod a technologisku suwerenitu Němskeje. Stworimy dźěłowe městna přichoda, zawěsćimy přichodnu potrjebu fachowcow.

Baustellenhelme, die mit DZA beschriftet sind

Dobre přičiny za DZA

Narodna swětłownja z mjezynarodnym wuznamom
Slědźenje ze swětowym wuznamom a jónkrótnym wobsahom
Stara so wo identitu za region
Dźěłowe městna z přichodom, w mnohich wobłukach
Partner za hospodarstwo a institucije, podpěra za startup a nowe předewzaća, transfer
Kubłanje wot pěstowarnje přez wukubłanje hač na uniwersitu
Perspektiwa za młodych ludźi, zawěsćenje potrjeby na fachowcach
Magnet za nowe dźěłowe mocy z cyłeho swěta
Naša sylnosć: wodźaca kompetenca a nazhonjenja wot slědźenja a wuwića přez planowanje hač k zwoprawdźenju wulkoprojektow a nałožowanje w mjezynarodnych kooperacijach
Njetrjebamy narodne a mjezynarodne syće hakle natwarić, přinjesemy je sobu

Wo čo dźe

Naša misija

Zmóžnimy dopóznaća.

Twarimy astrofyziski centrum za slědźenje, technologiju a digitalizaciju do přichoda pokazowaceho programa slědźenja a wuwića. Nimo toho tworimy zakłady za jutřišu towaršnosć.

Wotewrjamy nowe wokna do swětnišća.

Přeslědźimy zakładne struktury swětnišća a zwjazamy cyły spektrum najwšelakorišich kosmiskich informacijow. Wobdźělimy so na mjezynarodnych wulko obserwatorijach. Na tute wašnje rozšěrjamy astronomisku wědu swěta a zawěsćimy načolnu poziciju Němskeje w mjezynarodnej astrofyzice.

Honimy postup.

Wuwiwamy nowe technologije a ćěrimy inowacije doprědka. Tak stworimy dźěłowe městna přichoda w regionje a zawěsćimy technologisku suwerenitu Němskeje a Europy.

Naša digitalizacija je zelena.

Wodźimy prudy informacijow astronomiskich obserwatorijow wokoło globusa do cyłka a wuwiwamy nowe metody za resursy škitace ličenje. Tak tworimy digitalnu změnu towaršnosće a škitamy wobswět a zawěsćimy runočasnje derjeměće a postup.

Zaručamy wuskutk wědy.

Staramy so wo transfer wědy a technologije a dźělimy naš know-how. Dźěłamy we wuskich regionalnych, narodnych a mjezynarodnych a interdisciplinarnych syćach a smy tak magnet za nowo zasydlenje industrijow a zarodk za spin-offs a start-ups.

Spěchujemy dorost.

Zahorjamy za přirodowědu a techniku a złožujemy so na kubłanje wot pěstowarnje a šule přez wukubłanje hač k wysokej šuli. Tak tworimy naslědne perspektiwy za młodych ludźi w regionje a zawěsćamy potrjebu na fachowcach.

Smy centrum w regionje Łužica.

Stanjemy so z centrumom z mjezynarodnym wuprudźenjom, kotryž je wusko zakótwjeny w regionje a kotryž słuži k tomu, wutworić identitu. Zhromadnje z partnerami z wědomosće, politiki, ciwilneje towaršnosće a čłowjekami na městnje staramy so wo stajny postup strukturneje změny.

Kak strukturnu změnu zrozumimy

Kruće zakorjenjene w regionje

Naslědnje skutkować.
Nic wot dźensa na jutře, za to pak wobstajne a dołhodobnje relewantne.

Wjace hač dźěłowe městna.
Mnohe wotewrjene městna njetworja strukturnu změnu.

Inowacije zmóžnić.
Dźe wo kooperaciju a klučowe technologije.

Mnohostronsce być.
Wupruženje do najwšelakorišich wobłukow.

Čłowjekow dobyć.
Perspektiwy za wostanjenje w regionje, nawróćenje a zasydlenje.

Zhromadnje přichod formować.
Strukturna změna z wobydlerjami na městnje.

Identitu tworić.
Hódnoćić, štož je – něšto nowe wutworić, štož formuje.

Chceš wjace wo DZA zhonić?

Wróćo k "Wo nami“

Dale k „Městnam"

Eine Gruppe von DZA-Mitarbeitenden steht vor dem DZA-Gebäude

Dale k „Sobudźěłaćerjam“